Psa 56 | ABGk | STEP | εις το τέλος υπέρ του λαού του από των αγίων μεμακρυμμένου τω Δαυίδ εις στηλογραφίαν οπότε εκράτησαν αυτόν οι αλλόφυλοι εν Γεθ ελέησόν με ο θεός ότι κατεπάτησέ με άνθρωπος όλην την ημέραν πολεμών έθλιψέ με

Psalms 56

PSALM 56

David is Afflicted by War

εις το τέλος υπέρ του λαού του από των αγίων μεμακρυμμένου τω Δαυίδ εις στηλογραφίαν οπότε εκράτησαν αυτόν οι αλλόφυλοι εν Γεθ

1 ελέησόν με ο θεός ότι κατεπάτησέ με άνθρωπος όλην την ημέραν πολεμών έθλιψέ με 2 κατεπάτησάν με οι εχθροί μου όλην την ημέραν ότι πολλοί οι πολεμούντές με από ύψους 3 ημέρας ου φοβηθήσομαι εγώ δε ελπιώ επί σε 4 εν τω θεώ επαινέσω τους λόγους μου επί τω θεώ ήλπισα ου φοβηθήσομαι τι ποιήσει μοι σαρξ 5 όλην την ημέραν τους λόγους μου εβδελύσσοντο κατ΄ εμού πάντες οι διαλογισμοί αυτών εις κακόν 6 παροικήσουσι και κατακρύψουσιν αυτοί την πτέρναν μου φυλάξουσι καθάπερ υπέμειναν την ψυχήν μου 7 υπέρ του μηθενός σώσεις αυτούς εν οργή λαούς κατάξεις 8 ο θεός την ζωήν μου εξήγγειλά σοι έθου τα δάκρυά μου ενώπιόν σου ως και εν τη επαγγελία σου 9 επιστρέψουσιν οι εχθροί μου εις τα οπίσω εν η αν ημέρα επικαλέσωμαι σε ιδού έγνων ότι θεός μου ει συ 10 επί τω θεώ αινέσω ρήμα επί τω κυρίω αινέσω λόγον 11 επί τω θεώ ήλπισα ου φοβηθήσομαι τι ποιήσει μοι άνθρωπος 12 εν εμοί ο θεός αι ευχαί ας αποδώσω αινέσεώς σου 13 ότι ερρύσω την ψυχήν μου εκ θανάτου τους οφθαλμούς μου από δακρύων και τους πόδας μου από ολισθήματος ευαρεστήσω ενώπιον κυρίου εν φωτί ζώντων